於上星期六正式開展！開展禮由東華三院代表等重量級嘉賓主持，會長阿橙亦都係開展嘉賓之一。展覽藉住展示唔同物品，以及背後嘅故事，鼓勵大家關心情緒健康，提昇對精神健康嘅關注。

.

阿橙擔任心靈大掃除項目推廣大使，唔經唔覺培訓咗東華義工4年，教識一班義工點樣幫助情緒受困擾嘅婦女執屋。同時副會長Jeffery亦都成為東華生命關懷大使，大使除左幫手執整屋企，亦都會透過電話慰問精神復元人士。整理除左係物質層面整理家居之外，都可以從心靈層面整理內心思緒。

.

其後阿橙亦都為展覽舉行首場講座，向在場參加者分享斷捨離嘅深層意思，以及5個斷捨離嘅貼士。在場觀眾都反應熱烈，紛紛向阿橙請教整理心得。當中提到「我哋經常忘記屋企嘅空間係俾自己住」，都市人生活繁忙，社會物質富裕，但往往就忽略咗自己內在嘅需要。同樣地，斷捨離其中一個重點就係 #自己 。

.

講座完結後，阿橙同好耐冇見嘅義工們相擁傾談，我哋仲認識到同樣喜愛斷捨離嘅同好，更同合作無間嘅社工拍擋係生命樹下合照一齊記錄如禮物般嘅 #當下 。我哋不但因為整理而走埋一齊，同時係向社會推廣整理收納專業，以提高香港居民嘅生活品質，創造幸福生活空間同健康人生。

.

好多朋友睇完個展覽都話好感動，期待大家了解物件背後一段段觸動人心嘅故事，帶來一場真真正正嘅心靈覺醒！