HAPO 成為 YMCA「荃城愛回家．劏房戶關顧計劃」嘅「友」心伙伴，為荃灣劏房居民提供一系列嘅整理服務，從而提升劏房戶生活質素。是次合作主要由HAPO慈善項目幹事作統籌及6名主要項目義工帶領，向住戶提供諮詢同上門整理服務，當中亦包括不少HAPO義工會員及實習學員嘅參與。

.

成果分享會當日副會長除咗代表HAPO領取「友」心伙伴紀念狀之外，仲主持咗互動遊戲同收納教學嘅環節。展覽中亦有展板和 1:1 模擬實況劏房模型展示，用輕鬆嘅方法讓大家更了解劏房戶嘅居住環境，同時學到物品整理及收納技巧。

.

HAPO好開心能夠成為計劃一分子，感謝曾經參與計劃嘅會員，因為有你哋支持先至可以做到件咁有意義嘅事。嚟緊陸續會有更多義工服務等緊你，一同用專業整理服務回饋社會，實踐HAPO協會宗旨：推廣整理收納專業，以提高香港居民的生活品質，創造幸福生活空間和健康人生。