cropped-site-icon.png
【課程回顧】 第02期二級基礎專業整理認證課程

【課程回顧】
第02屆二級基礎專業整理認證課程

⁣⁣第02屆二級基礎專業整理認證課程終於都完滿結束💐,為期兩日嘅課堂由 🍊阿橙 同 🍀Jeffery 兩位專業導師教授📖 ,大部份學員本身都對整理好有興趣,所以大家上堂都投入😆! . 第一日除咗教授整理嘅理論外,亦有課堂活動俾學員互相討論交流💬,仲有介紹收納品同摺衫👚嘅方法等。每位學員都可以學識簡易而有效,超實用嘅整理技巧🤲🏻。 . 今次課程內容仲新加入🍤HAPO獨有嘅整理法,善用生活化概念讓學員容易明白,有助大家應用在生活之中。學員仲可以參與整理法嘅命名過程,個名仲特別貼地添呀,師弟師妹有福喇🥰! . 見到大家都好俾心機去做功課,所以第二日導師都十分用心作點評🧡!仲有針對香港住屋環境嘅案例分享🏠,相信大家吸收唔少寶貴嘅經驗知識。無論係自己執定幫朋友執,都可以輕鬆處理🪄。 . 最後當然唔少得最緊張嘅考試環節,恭喜大家全員合格,仲有同學攞滿分添 💯! 大家都好認真看待,有學員係未上堂之前,就把握時間溫書,大家嘅努力係有回報㗎😤💪🏼! . 💬有學員留言話:「🍊阿橙同🍀Jeffery呢個組合係有啲火花,亦睇得出你哋教學嘅用心,總之作為學員嘅我上堂上得滿足開心~!」👈🏻🍤哈寶喜歡這個! . 課程籌備小組會聽取學員嘅意見,希望做得更好,期待喺日後嘅課程再次見到大家😃!最新嘅課程招生計劃請密切留意社交平台公布!📣
.
#HAPO #香港專業整理收納協會 #人人都可成為自己的整理師 #整理 #收納 #執屋 #斷捨離 #香港整理師 #整理師 #整理課程 #收納課程
Share on facebook
Share on whatsapp
Share on email