「留下現在對自己重要的💪🏻」

.

早前循道衛理觀塘社會服務處「培育活力板房小跳豆計劃」邀請 HAPO 副會長🍀 Jeffery 舉行咗個「劏房戶家居整理工作坊」，同區內街坊分享劏房戶嘅整理技巧同案例📦，等大家返到屋企可以嘗試自己動手執到☺️！

.

講座中提及到無論屋企大小都有方法整理😯，但更重要嘅係我哋內心想法。一個簡單明確嘅整理目標，就能推動我哋讓整理持之有效。而整理更不等於丟棄，其實係反覆認識自己嘅過程，了解自己嘅價值觀📏，認清需要，留下現在對自己重要的，找出最適合自己嘅整理方法👍🏻。

.

所以我哋喺講座中同大家一齊建立整理目標💪🏻，了解整理嘅技巧同流程，亦都分享先前協會服務過嘅劏房案例俾街坊參考下，等大家具體明白整理嘅好處，大家返到屋企可以更有動力執屋🤓。各位街坊都非常投入，尤其係講解摺衫技巧嘅環節，直情要出黎睇添呀🤩 ！

.

參加完工作坊，街坊們紛紛表示「獲益良多🙌🏻」、「衣服收納的方法很實用🤩」、「讓我更了解如何收納~」、「加深左收納既認識」、「有效處理空間🫶🏻」。希望大家返到屋企都可以更有目標、更有系統咁整理自己嘅屋企，實現心中理想嘅生活🥰！

.

#HAPO #香港專業整理收納協會 #整理講座 #循道衛理觀塘社會服務處